Kalaallinut Danmarkimiittunut ikiorsiisarneq

Namminersorlutik Oqartussat kalaallinut Danmarkimiittunut ikiorsiisarnermik ingerlatsinissamut pisussaaffilerneqarsimapput. Ikiorsiisarneq taanna Danmarkimi qallunaat najukkani ataasiakkaani oqartussaat suleqatigalugit ingerlanneqarpoq, najukkanilu ataasiakkaani Kalaallit Illui, qitiusumillu Ilaqutariinnermut, Naligiisitaanermut Isumaginninnermullu Naalakkersuisoqarfik aammalu Kalaallit Nunaata Sinniisoqarfiani Københavnimiittumi isumaginninnermut immikkoortortaqarfik aqqutigalugu ingerlanneqarlutik.

Danmarkimi Kalaallit Illui Aalborgimi, Aarhusimi, Odensemi Københavnimilu inissisimapput. Illut Namminersorlutik Oqartussanit, kommuninillu inissisimaffigisaminnit tapiissuteqarfigineqartarput.

 

Danmarkimi Kalaallit illuinut tunngasut nittartakkami uani paasisassarsiorfigineqarsinnaapput: http://www.groenlandskehuse.dk.